स्त्रीत्व : एक अदभूत सत्व ! ( जागतिक महिला दिनानिमित्त)

तूच माता, तूच भगिनी आणि वेळेस तू पिता ही...
तूच होई सिंधुताई जगन्माता कधी अनाथांची तर कधी नवऱ्याची ही..

तूच ममतेचा पाझर, आणि तूच एक सामाजिक हक्कांचा लढा..
तूच होई मेधा पाटकर विस्थापितांची बनून आस्था ...

तूच आदर्श शिस्तप्रिय खंबीर आणि शाश्वत जगण्याचा दृष्टीकोन..
तूच होई किरण बेदी आणि तिहार जेल मधील कैद्यांचा नव दृष्टीकोन..

तूच रणरागिणी आणि तूच माता आपल्या मुलाची आणि प्रजेची
तूच वीरांगना झाशीची, आणि माता पाठीवर बांधलेल्या मुलाची

तूच सूरसम्राज्ञी स्वरलता आणि स्वरांची माता ..
तूच वैशाली सामंत .. तूच लता आणि तूच आशा.. जणू दिशा नवसंगीताची..

तूच चैतन्य क्रीडांगणातले आणि तूच स्फूर्ती क्षितीजाला गवसण्याची..
तूच सायना आणि तूच पी टी उषा क्रीडांगणातली आणि कॉर्पोरेट मधली सुद्धा..

चूल आणि मुल ..संसाराचा गाडा चालवणारीही तूच आणि लोकाल ट्रेन चालवणारीही तूच
तूच दीप्ती मोडेकर आणि सुरेखा यादवही तूच ..

तूच अवकाश भ्रमर.. आणि मंगळ आणि अमंगळ ग्रहांना गवसणी सुद्धा तूच ..
तूच ती कल्पना चावला . आणि तूच ती गीता वरदान ..

तूच संस्कार जगण्याचे आणि शौर्याच्या बाळकडूचे..
तूच जिजाऊ शिवबाची आणि तूच यशोदा नटखट कान्हाची..

तूच असे विष्णूची लक्ष्मी.. तूच असे.. राधिका कृष्णाची.. आणि वेळेस तूच होई जगदंबा आणि दुर्गा..!